विमान दुर्घटनामा सातजनाको मृत्यु भएपछि शोकमा महोत्तरी र धनुषा

  • जेठ १७, २०७९
  • हाम्रो कालापानी
alt

महोत्तरी । महोत्तरी र धनुषा छुट्याउने रातु नदी वारिपारिका चुरे काछका बस्ती अहिले शोकमग्न छ। आइतबार तारा एयरको विमान दुर्घटनामा नाताभित्रकै सात जनाको मृत्यु भएपछि महोत्तरी, बर्दिबास–३ का पर्साहीधाप, रजबास र धनुषा, मिथिला-११ का लोटा, चुरे र बाहुनमारा बस्तीमा शोक छाएको हो।

दुर्घटनामा परी लोटा बस्तीका ७३ वर्षीय मकरबहादुर तामाङ, पत्नी ७१ वर्षीया सुकमाया तामाङ, दिदी-भिनाजु ७५ वर्षीया राममाया गोले, ७६ वर्षीय इन्द्रबहादुर गोले र भाञ्जा ४५ वर्षीय राजन गोलेको मृत्यु भएको हो। यसैगरी मकरबहादुरका बहिनी र ज्वाइँ तुलसादेवी तामाङ र पुरुषोत्तम गोलेको पनि मृत्यु भएपछि यहाँका बस्तीमा रुवाबासी छ।

उनीहरू सातैजना आइतबार मुक्तिक्षेत्र जाँदै थिए। यसपालि तीर्थाटन गर्ने वातावरण बेलायतमा बस्ने मकरका भाञ्जा (राजनका भाइ) मनोज गोलेले मिलाएका थिए। मनोजले लण्डनबाट फोन गरेर बुबा, आमा, मामा, माइजु, सानाबा र सानिमा दाइ (राजन) लाई लिएर तीर्थ जानु। खर्च पठाउँछु भन्नुभएको थियोु,मकरबहादुरकी कान्छी छोरी कान्तिले भनिन्, गत साता राजनले काठमाडौँबाट फोन गरेर मामा, माइजु आउनु भनेपछि बुबाआमा शुक्रबार घरबाट काठमाडौँ जानुभएको थियो।

पोखराबाट उडेको विमान हराएको खबर फैलिएपछि आइतबार दिउँसो नै मकरबहादुरको घरमा इष्टमित्र, आफन्त र छिमेकीको जमघट बढेको थियो। विमान दुर्घटनाको खबरसँगै उनको घरमा आफन्त र छिमेकीको घुइँचो छ। छोरीहरू शान्ति र कान्ति तथा बुहारीहरू प्रेमा, पार्वती र प्रतिष्मा पनि शोकाकुल छन्।

चुरेस्थित रातु ठाकुर आधारभूत विद्यालयका शिक्षक रहेका मकरबहादुर सेवानिवृत्त भएपछि गाउँमै सामाजिक गतिविधिमा सक्रिय थिए। सोही बस्तीमा बस्ने उनका दिदी भिनाजु भने छोरा राजनका परिवारसँग काठमाडौं नै बस्थे।

मकरबहादुरलाई यहाँका बासिन्दा ‘आँखामा राख्दा पनि नबिझाउने’ व्यक्तिका रूपमा सम्झना गर्छन्। ‘गत शुक्रबार बिहानपख, हामी तीर्थ गर्न हिँड्यौँ, एक सातामा आउँला, राम्ररी बस है नानी भन्दै जानुभएको थियोु, छिमेकी तुलसा पौडेलले भनिन्, ुकहिल्यै नफर्कनु रहेछ। आँखामा झलझली मकर सरको अनुहार नाचिरहेछ।

यसैगरी यहाँका बासिन्दा मकरका भाञ्जा राजन गोलेलाई सम्झिएर भक्कानिन्छन्। काठमाडौंमा व्यवसाय गर्ने राजन चाडपर्व मान्न भने गाउँ आउने गरेको यहाँका बासिन्दा सम्झिन्छन्। मकरसँग दाजुभाइको साइनो लगाउने सबैले राजनलाई भाञ्जाकै सम्बोधन गर्ने गरेका थिए।

रासस

प्रतिक्रिया दिनुहोस

सम्बन्धित समाचारहरु
पाँचथरमा बेपत्ता तीन ...

काठमाडौं । पाँचथरको फालेलुङ गाउँपालिकामा पहिरोमा बेपत्ता भएका तीन जनाको शव भेटिएको छ । पहिरोमा बेपत ...

नेपालको पहिलो विद्या ...

काठमाडौं । नेपालको पहिलो विद्यार्थी आन्दोलन जयतु संस्कृतम् दिवस आज विभिन्न कार्यक्रम आयोजना गरी मनाइ ...

१८ महिना भित्र १० ला ...

काठमाडौं । भारतीय प्रधानमन्त्री नरेन्द्र मोदीले आगामी १८ महिना भित्र १० लाख जनालाई जागिर दिने बताएका ...

  • संरक्षक : प्रा.डा.फणिराज पाठक
  • अध्यक्ष तथा प्रबन्ध निर्देशक : राधिका जोशी (९८४९८८६३३०)
  • सम्पादक : बिकल रेग्मी (९८४२१८२६०२)
  • सम्वाददाता : ज्योतिष्णा उपाध्याय
  • इमेल : [email protected] / [email protected]

हाम्रो बारेमा

देशको राजधानी काठमाडौंमा केन्द्रीय कार्यलय स्थापना गरी सत्य, तथ्य र निस्पक्ष सूचना तथा विचार सम्प्रेसण गर्नु हाम्रो कालापानी अनलाइनको लक्ष हो । देशको समग्र शिक्षा, स्वास्थ्य, धार्मिक, पर्यटन लगायत विकास, विस्तार र निर्माण अभियानमा हाम्रो उपस्थिति रहनेछ । विकृति, विसंगति र भ्रष्टाचार विरुद्ध हामी सधैँ खबरदारी गर्ने छौं । आवाज विहिनहरुको आवाज बन्ने प्रयत्न गर्नेछौँ । हामी राजनीतिक र गैरराजनीतिक दुवै क्षेत्रमा खबर प्रवाह गर्नेछौं । हामी सुशासनको मुद्दामा दर्बिलो उभिने छौं । राष्ट्रिय हित र जनताको अपेक्षा नै हाम्रो मुख्य मुद्दा हुन् । सञ्चार सञ्जालको राष्ट्रिय शरीर बनाउनु हाम्रो उद्धेश्य हो ।

Copyright © 2019 / 2022 - Hamrokalapani.com All rights reserved