मोटोपन प्रजनन स्वास्थ्यका लागि खतरनाक, हेर्नुहोस तौल कम गर्ने तरिका

  • फाल्गुन ११, २०७८
  • हाम्रो कालापानी
alt

काठमाडौं । मोटोपन कयौँ गम्भीर रोगको कारण बन्न सक्छ । यसले मुटुरोग र मधुमेह मात्रै होइन, स्त्रीरोग निम्त्याउने सम्भावना पनि बढ्न जान्छ । हालै बेलायतमा भएको एक अनुसन्धानमा वैज्ञानिकले मोटोपनले महिलाको प्रजनन स्वास्थ्यमा समस्या पनि निम्त्याउन सक्ने बताएका छन् ।

यसरी भएको थियो अनुसन्धान

१. यो अनुसन्धानमा वैज्ञानिकले मोटोपन र प्रजनन स्वास्थ्यसँग जोडिएका विकारबीच सम्बन्ध खोज्ने कोसिस गरेका छन् ।

२.उनीहरुले २ लाख ५७ हजार १ सय ९३ महिलालाई यस अनुसन्धानमा समावेश गराएका थिए ।

३.यी सबै युरोपेली थिए र उनीहरुको उमेर ४० देखि ६९ वर्ष थियो ।

४. उनीहरुको स्वास्थ्य डाटालाई यूके बायोबैंकको सहयोगबाट परीक्षण गरिएको थियो ।

५. वैज्ञानिकले एउटा यस्तो मोडल बनाएका थिए जसको माध्यमबाट महिला बडी मास इन्डेक्स ९बीएमआई० र कम्मरदेखि हिपको अनुपातसम्म महिलाको प्रजनन स्वास्थ्यमा पर्ने असरलाई बुझ्ने कोसिस गरिएको थियो ।

यसो भन्छ अनुसन्धानको नतिजा:

अनुसन्धानमा मोटोपन र प्रजनन स्वास्थ्य सम्बन्धि कयौँ विकारबीच सम्बन्ध पाइएको छ । यसमा पोलिसिस्टिक ओभरी सिन्ड्रोम (पीसीओएस), महिनावारीमा रक्तश्राव, गर्भाशय फाइब्राइड र प्रि–एक्लेमप्सिया समावेश छन् ।

पीसीओएस एक हर्मोनल डिसअर्डर हो, जुन महिलाको महिनावारीसँग जोडिएको समस्या हो । यसमा अनियमित रक्तश्राव, महिनावारी ढिलो हुनु, अनुहारमा रौँ बढ्नु आदि समावेश छन् ।

गर्भाशय फाइब्राइडको स्थितिमा महिलाको गर्भाशयमा गाँठो बन्न थाल्छ । यद्यपि, यो क्यान्सरसँग सम्बन्धित छैन । प्रि–एक्लेमप्सिया एक यस्तो अवस्था हो जसमा उच्च रक्तचापका कारण गर्भधारणको समयमा जटिलता आउँछ ।

तौल कम गर्ने तरिका:

जंकफुड र सफ्ट ड्रिंक्सको सट्टा स्वस्थ चीजलाई आफ्नो भोजनमा समावेश गर्नुहोस् । मौसम अनुसारको फलफूल, तरकारी, अनाज, नट्स, बीउ र स्वस्थ फ्याटबाट स्वास्थ्य राम्रो हुन्छ र तौल नियन्त्रणमा रहन्छ । यसका साथै, शरीरमा पानीको कमी हुन दिनु हुँदैन ।

तौल कम गर्न व्यायाम अत्यन्त जरुरी छ । विशेषज्ञका अुनुसार प्रत्येक साता १५० मिनेट उच्च गतिको व्यायाम गर्नु आवश्यक छ । यसका साथै अन्य शारीरिक गतिविधि पनि गर्नु आवश्यक छ ।

निद्रा पुर्याउनुहोस् । तपाईंको निद्रा पुरा हुँदैन भने तपाईले अस्वस्थ खाना खाने सम्भावना बढ्न जान्छ । निद्रा पुरा भएपछि तपाईको शरीरले पनि राम्रोसँग काम गर्न थाल्छ ।

तनावबाट परै रहनु :

तनावबाट परै रहनु । मोटोपन र तनावबीच ठूलो सम्बन्ध छ । कार्टिसोल नामको स्ट्रेस हर्मोनले तपाईंको पेटमा बोसो बढाउँछ । तनाव व्यवस्थित गर्नका लागि योगा र ध्यान गर्न सक्नु हुनेछ ।

प्रतिक्रिया दिनुहोस

सम्बन्धित समाचारहरु
मकवानपुरको इन्द्रसरो ...

हेटौंडा । मकवानपुरको इन्द्रसरोवर गाउँपालिकाको अध्यक्ष र उपाध्यक्ष दुवैमा नेकपा एमाले विजयी भएको छ। ...

एमाले अध्यक्ष ओलीले ...

काठमाडौं । नेकपा एमालेका अध्यक्ष केपी शर्मा ओलीले मतदान गरेको सूर्यविनायक नगरपालिका वडा नं. २ को वडा ...

भारतका प्रधानमन्त्री ...

काठमाडौं । भारतका प्रधानमन्त्री नरेन्द्र मोदी आज लुम्बिनी भ्रमणमा आउँदैछन्। मोदी आज बिहान एघार बजे ...

  • संरक्षक : प्रा.डा.फणिराज पाठक
  • अध्यक्ष तथा प्रबन्ध निर्देशक : राधिका जोशी (९८४९८८६३३०)
  • सम्पादक : बिकल रेग्मी (९८४२१८२६०२)
  • सम्वाददाता : ज्योतिष्णा उपाध्याय
  • इमेल : [email protected] / [email protected]

हाम्रो बारेमा

देशको राजधानी काठमाडौंमा केन्द्रीय कार्यलय स्थापना गरी सत्य, तथ्य र निस्पक्ष सूचना तथा विचार सम्प्रेसण गर्नु हाम्रो कालापानी अनलाइनको लक्ष हो । देशको समग्र शिक्षा, स्वास्थ्य, धार्मिक, पर्यटन लगायत विकास, विस्तार र निर्माण अभियानमा हाम्रो उपस्थिति रहनेछ । विकृति, विसंगति र भ्रष्टाचार विरुद्ध हामी सधैँ खबरदारी गर्ने छौं । आवाज विहिनहरुको आवाज बन्ने प्रयत्न गर्नेछौँ । हामी राजनीतिक र गैरराजनीतिक दुवै क्षेत्रमा खबर प्रवाह गर्नेछौं । हामी सुशासनको मुद्दामा दर्बिलो उभिने छौं । राष्ट्रिय हित र जनताको अपेक्षा नै हाम्रो मुख्य मुद्दा हुन् । सञ्चार सञ्जालको राष्ट्रिय शरीर बनाउनु हाम्रो उद्धेश्य हो ।

Copyright © 2019 / 2022 - Hamrokalapani.com All rights reserved