दुई सातामै आधा युरोप ओमिक्रोन संक्रमित बन्ने विश्व स्वास्थ्य संगठनको चेतावनी

  • पुस २८, २०७८
  • हाम्रो कालापानी
alt

बीबीसी । विश्व स्वास्थ्य संगठन (डब्ल्यूएचओ)ले अबको केही हप्तामै आधा युरोप ओमिक्रोनबाट संक्रमित बन्ने चेतावनी दिएको छ ।

आउँदो ६ देखि आठ हप्ताभित्रै आधा युरोपले कोभिड–१९ को ओमिक्रोन भेरियन्टको सामना गर्नुपर्ने चेतावनी दिइएको हो । डा. हान्स क्लुगले डेल्टा भेरियन्टको वृद्धि भइरहेका बेला ओमिक्रोनको पश्चिमदेखि पूर्वतर्फको लहरले यस क्षेत्रमा संक्रमण फैलाइरहेको बताए ।

यो प्रक्षेपण सन् २०२२ को पहिलो हप्तामा युरोपभरि रिपोर्ट गरिएका ७० लाख नयाँ केसहरूमा आधारित थियो । दुई साताको अवधिमा संक्रमितको संख्या दोब्बर भएको छ । पश्चिमा देशहरूबाट बाल्कन्सतर्फ भाइरस फैलिएकाले युरोपेली र मध्य एसियाली मुलुकहरू ‘तीव्र दबाब’मा रहेको डा। क्लुगले बताए ।

“प्रत्येक देशले अब कसरी कदम चाल्नुपर्छ भन्नेबारे उसको महामारीको अवस्था, उपलब्ध स्रोतहरू, खोप लगाइएको स्थिति र सामाजिक आर्थिक सन्दर्भद्वारा सूचित गर्नुपर्छ,” उनले थपे ।

हालैका अध्ययनहरूले ओमिक्रोनले पहिलेका भेरियन्टहरूले भन्दा गम्भीर रूपमा बिरामी पार्ने सम्भावना कम रहेको सुझाएका छन् । तर, ओमिक्रोन अझै पनि उच्च संक्रामक छ र पूर्ण खोप लगाएका मानिसलाई पनि संक्रमित पार्न सक्छ । संक्रमणमा भएको अत्यधिक वृद्धिले स्वास्थ्य प्रणालीलाई गम्भीर क्षति पु¥याएको छ ।

सोमबार बेलायतमा थप एक लाख ४२ हजार २२४ जना संक्रमित भएको पुष्टि भएको र कोरोनाका कारण ७७ जनाको मृत्यु भएको छ । धेरै अस्पतालहरूले कर्मचारीको अनुपस्थिति र कोभिडको बढ्दो दबाबका कारण ‘गम्भीर’ अवस्था सिर्जना भएको घोषणा गरेका छन् ।

फ्रान्सका स्वास्थ्यमन्त्री ओलिभर भेरानले गएको हप्ता अस्पतालहरूका लागि जनवरी कठिन हुने चेतावनी दिएका थिए । पूर्वी युरोप पोल्यान्डमा महामारी सुरुभएयता एक लाख मानिसको कोभिडका कारण मृत्यु भएको छ । पोल्यान्डको मृत्युदर विश्वमै छैटौँ उच्च छ । त्यहाँका ४० प्रतिशत मानिसले अझै खोप लगाएका छैनन् । रुसका स्वास्थ्य अधिकारीले भाइरस नियन्त्रण गर्न पहल नगरिए दैनिक संक्रमितको संख्या एक लाख पुग्न सक्ने बताएका छन् ।

प्रतिक्रिया दिनुहोस

सम्बन्धित समाचारहरु
ओमिक्रोन कति दिनसम्म ...

कोरोना भाइरसको ओमिक्रोन भेरिएन्ट अन्य भेरिएन्टको तुलनामा सङ्क्रामक छ । खोपबाट बन्ने प्रतिरोधी क्ष ...

आदेशविपरीत सञ्चालित ...

काठमाडौँ /काठमाडौँ महानगरपालिकाकाले महामारी तीव्र रूपमा बढिरहेका बेला केही निजी विद्यालय सञ्च ...

यात्रुले मास्क लगाउन ...

न्युयोर्क / फ्लोरिडाको मियामी सहरबाट लन्डन उडेको अमेरिकी एयरलाइन्सको एउटा विमान मध्य आकाशबाटै फर्क ...

  • संरक्षक : प्रा.डा.फणिराज पाठक
  • अध्यक्ष तथा प्रबन्ध निर्देशक : राधिका जोशी (९८४९८८६३३०)
  • सम्पादक : बिकल रेग्मी (९८४२१८२६०२)
  • सम्वाददाता : ज्योतिष्णा उपाध्याय
  • इमेल : [email protected] / [email protected]

हाम्रो बारेमा

देशको राजधानी काठमाडौंमा केन्द्रीय कार्यलय स्थापना गरी सत्य, तथ्य र निस्पक्ष सूचना तथा विचार सम्प्रेसण गर्नु हाम्रो कालापानी अनलाइनको लक्ष हो । देशको समग्र शिक्षा, स्वास्थ्य, धार्मिक, पर्यटन लगायत विकास, विस्तार र निर्माण अभियानमा हाम्रो उपस्थिति रहनेछ । विकृति, विसंगति र भ्रष्टाचार विरुद्ध हामी सधैँ खबरदारी गर्ने छौं । आवाज विहिनहरुको आवाज बन्ने प्रयत्न गर्नेछौँ । हामी राजनीतिक र गैरराजनीतिक दुवै क्षेत्रमा खबर प्रवाह गर्नेछौं । हामी सुशासनको मुद्दामा दर्बिलो उभिने छौं । राष्ट्रिय हित र जनताको अपेक्षा नै हाम्रो मुख्य मुद्दा हुन् । सञ्चार सञ्जालको राष्ट्रिय शरीर बनाउनु हाम्रो उद्धेश्य हो ।

Copyright © 2019 / 2022 - Hamrokalapani.com All rights reserved