राप्रपामा महाधिवेशन प्रतिनिधिलाई लिएर मध्यरातमा लफडा!

  • मंसिर १५, २०७८
  • हाम्रो कालापानी
alt

काठमाडौं । महाधिवेशन उद्घाटनको संघारमा आइपुग्दा राष्ट्रिय प्रजातन्त्र पार्टी ९राप्रपा० मा महाधिवेशन प्रतिनिधिको सूचीलाई लिएर विवाद भएको छ।

अध्यक्ष कमल थापा र महामन्त्री राजेन्द्र लिङ्देन पक्षबीच गए राति पार्टी केन्द्रीय कार्यालय धुम्बाराहीमै लफडा भएको हो।

राप्रपाको आजदेखि हुने महाधिवेशनमा अध्यक्ष पदमा थापा र लिङ्देन भिड्ने भएका छन्।

आज बिहान ९ बजेभित्रमा महाधिवेशनका मतदाताको सूची निर्वाचन समितिले प्रकाशित गर्ने भनिएकोमा थापा र लिङ्देन पक्षबीच विवाद हुँदा यो कार्य रोकिएको छ।

जिल्लाबाट आएको महाधिवेशन प्रतिनिधिको सूची अध्यक्ष थापाकै निर्देशनमा हेरफेर गरेको आरोप लिङ्देन पक्षका नेताहरूले लगाएका छन्।

राप्रपाले ३३० प्रदेश सभा क्षेत्रबाट महाधिवेशन प्रतिनिधि चुनेर ल्याएको छ। महिला, दलित, अल्पसंख्यकलगायत हरेक निर्वाचन क्षेत्रबाट महाधिवेशन प्रतिनिधिमा समेट्नुपर्ने थियो।

तर कतै दलित र कतै अल्पसंख्यकका प्रतिनिधि खाली थिए। लिङ्देन पक्षका नेताहरूले जिल्लाबाट खाली आएका प्रतिनिधिमा थापा पक्षले आफ्ना मान्छेुका नाम समावेश गरेको आरोप लगाएको छ।

‘लिङ्देनलाई भोट हाल्नेहरूको नाम हटाएर थापा पक्षले नयाँ सक्रिय सदस्य खडा गर्दै महाधिवेशन प्रतिनिधि बनाएका छन्। कतै दलित र कतै अल्पंख्यकतर्फ खाली रहेको ठाउँमा आफ्ना मान्छे महाधिवेशन प्रतिनिधि बनाएको पाइएकोले विरोध गर्नुपरेको हो,’ लिङ्देन पक्षका एक नेताले सेतोपाटीसँग भने।

जिल्लाबाट पठाइएका महाधिवेशन प्रतिनिधिहरू र सक्रिय सदस्यताको सूचीमा हेरफेर गरेको पाइएकोले त्यसो नगर्न आफूहरूले गए राति पार्टी कार्यालयमै गएर आग्रह गरेको लिङ्देन पक्षमा खुलेका लमजुङका नेता हेमजंग गुरूङले बताए।

‘जिल्लाबाट प्राप्त सूचीमा केही नाम हेरफेर गरेको गुनासो छ। अनाधिकृत मानिसहरू पार्टी कार्यालयमा बसेर नाम हेरफेर गरेको पाइयो, त्यसैले अब जिल्लाबाट प्राप्त सूची रूजु गरेपछि मात्रै मतदाता नामावली प्रकाशन हुन दिन्छौं,’ उनले भने।

जिल्लाहरूबाट आएको सक्रिय सदस्यता संख्या र महाधिवेशन प्रतिनिधिसमेत हेरफेर भएको भन्ने गुनासा आएपछि गए राति पार्टी कार्यालय गएको उनले बताए।

‘धेरै ठूलो विषय त होइन, केही नाम गडबड गरेको भन्ने आएको छ,’ उनले भने, ‘जिल्लाबाट आएको सूचीमा उहाँहरू बसेर टिपेस लगाउने काम भएको भन्ने छ। पार्टी कार्यालयमा बस्न नपर्ने मानिसहरू पनि गए राति पार्टी कार्यालयमै रहेकोले आशंका उत्पन्न भयो,’ उनले भने।

उनले जिल्लाबाट आएका सक्रिय सदस्यताको सूची र महाधिवेशन प्रतिनिधिहरूको सूची एकपटक रूजु गरेपछि मात्रै मतदाता नामावली प्रकाशन गर्न दिइने बताए। ‘जिल्लाबाट प्राप्त सक्रिय र महाधिवेशन प्रतिनिधिको सूची हेर्छौं र अहिले केन्द्रीय कार्यालयले तयार पारेको सूची हेर्छौं। त्यो सूची मिल्यो भने मात्रै नामावली प्रकाशन गर्न दिइन्छ,’ उनले भने।

लिङ्देन पक्षले ७७ जिल्लाकै सक्रिय सदस्यको सूची रूजु गरेर मात्रै नामावली प्रकाशन गर्न निर्वाचन समितिलाई पनि आग्रह गरेका छन्। आज बिहान ९ बजेभित्र नै मतदाता नामावली प्रकाशन गर्ने भने पनि लिङ्देन पक्षको विरोधबीच यो कार्यक्रम रोकिने देखिएको छ।

राप्रपामा चार हजार तीन सय महाधिवेशन प्रतिनिधि छन्।

राप्रपा केन्द्रीय कार्यालयका सचिव भाष्कर भद्राले सक्रिय सदस्य र महाधिवेशन प्रतिनिधिका विषयमा गए राति पार्टी कार्यालयमा सामान्य छलफलमात्रै भएको बताए।

‘सक्रिय र महाधिवेशन प्रतिनिधिको सूची हेर्न सबैलाई खुला नै छ। जिल्लाबाट निर्वाचन समितिले पठाएका डकुमेन्ट सुरक्षित छन्,’ उनले भने, ‘महाधिवेशन प्रतिनिधिका विषयमा साथीहरूले केही जिज्ञासा राख्नुभएको छ, त्यसबारे नै छलफल भएको हो।’

उनले सक्रिय तथा महाधिवेशन प्रतिनिधिहरू जिल्लाबाट पठाएअनुसार नै सूचीमा समावेश गरिएको बताए। उनकाअनुसार मतदाता नामावली प्रकाशनलगायत काम गर्ने जिम्मेवारी भने निर्वाचन समितिलाई नै छ।

प्रतिक्रिया दिनुहोस

सम्बन्धित समाचारहरु
ओमिक्रोन कति दिनसम्म ...

कोरोना भाइरसको ओमिक्रोन भेरिएन्ट अन्य भेरिएन्टको तुलनामा सङ्क्रामक छ । खोपबाट बन्ने प्रतिरोधी क्ष ...

आदेशविपरीत सञ्चालित ...

काठमाडौँ /काठमाडौँ महानगरपालिकाकाले महामारी तीव्र रूपमा बढिरहेका बेला केही निजी विद्यालय सञ्च ...

यात्रुले मास्क लगाउन ...

न्युयोर्क / फ्लोरिडाको मियामी सहरबाट लन्डन उडेको अमेरिकी एयरलाइन्सको एउटा विमान मध्य आकाशबाटै फर्क ...

  • संरक्षक : प्रा.डा.फणिराज पाठक
  • अध्यक्ष तथा प्रबन्ध निर्देशक : राधिका जोशी (९८४९८८६३३०)
  • सम्पादक : बिकल रेग्मी (९८४२१८२६०२)
  • सम्वाददाता : ज्योतिष्णा उपाध्याय
  • इमेल : [email protected] / [email protected]

हाम्रो बारेमा

देशको राजधानी काठमाडौंमा केन्द्रीय कार्यलय स्थापना गरी सत्य, तथ्य र निस्पक्ष सूचना तथा विचार सम्प्रेसण गर्नु हाम्रो कालापानी अनलाइनको लक्ष हो । देशको समग्र शिक्षा, स्वास्थ्य, धार्मिक, पर्यटन लगायत विकास, विस्तार र निर्माण अभियानमा हाम्रो उपस्थिति रहनेछ । विकृति, विसंगति र भ्रष्टाचार विरुद्ध हामी सधैँ खबरदारी गर्ने छौं । आवाज विहिनहरुको आवाज बन्ने प्रयत्न गर्नेछौँ । हामी राजनीतिक र गैरराजनीतिक दुवै क्षेत्रमा खबर प्रवाह गर्नेछौं । हामी सुशासनको मुद्दामा दर्बिलो उभिने छौं । राष्ट्रिय हित र जनताको अपेक्षा नै हाम्रो मुख्य मुद्दा हुन् । सञ्चार सञ्जालको राष्ट्रिय शरीर बनाउनु हाम्रो उद्धेश्य हो ।

Copyright © 2019 / 2022 - Hamrokalapani.com All rights reserved