अर्जेन्टिनी स्ट्राइकर लियोनल मेसीको डेब्युमा एम्बाप्पेद्वारा दुई गोल

  • भदौ १५, २०७८
  • हाम्रो कालापानी
alt

काठमाडौं । अर्जेन्टिनी स्ट्राइकर लियोनल मेसीले आइतबार पेरिस सेन्ट जर्मन ९पिएसजी० बाट डेब्यु गरे पनि लिग वान अन्तर्गत रेइम्समाथि २–० को जित हात पारेको खेलमा दुवै गोल गर्दै किलियन एम्बाप्पे दिनको आकर्षणको केन्द्र बने। ३० नम्बर जर्सी पहिरिई मेसी ६६औं मिनेटमा नेइमारलाई प्रतिस्थापित गर्दै वैकल्पिक खेलाडीका रूपमा मैदान प्रवेश गर्दा उपस्थित करिब २१ हजार दर्शकले उनको चर्को समर्थन गरेका थिए।

तीन साताअघि नै पिएसजीमा अनुबन्धित भए पनि मोउरिसियो पोचेटिनोले मेसीलाई मैदान उतारेका थिएनन्। गत वर्ष मेसीले अध्यक्षलाई फ्याक्समार्फत क्लब छोड्न चाहेको बताएसँगै उनलाई अनुबन्धित गर्न पिएसजी र म्यानचेस्टर सिटी इच्छुक देखिएका थिए। तर अन्तिम समयमा बार्सिलोनाले उनको चर्को फुकुवा रकम तोकेपछि दुवै क्लब पछि हटेका थिए। यस सिजन मेसीले बार्सिलोनामा आधा तलबमा ५ वर्षका लागि सम्झौता गर्ने तयारी गरे पनि स्पेनिस ला लिगाको आर्थिक नियम बाधक बन्दा मेसीको बार्सिलोना बहिर्गमन निश्चित भएको थियो।

पिएसजीबाट आइतबार डेब्यु गरे पनि पहिलो रोजाइ र पहिलो गोलका लागि भने उनले सेप्टेम्बर ११ सम्म कुर्न पर्नेछ। लिग वानमा पिएसजीले सेप्टेम्बर ११ मा क्लेमोन्टको सामना गर्नेछ।

‘मेसीको पिएसजी डेब्युलाई लिएर म निकै खुसी छु,’ पिएसजीका प्रशिक्षक माउरिसियो पोचेटिनोले भने, ‘मेसी अझै आफ्नो स्वाभाविक लयबाट टाढा छन् तर उनी निरन्तर प्रशिक्षणमा छन् र एक–दुई सातामै उनी लयमा फर्कनेमा म आशावादी छु। हामी मेसीको उत्कृष्ट लयको पर्खाइमा छौं।’

एम्बाप्पेको ला लिगा क्लब रियाल मड्रिड जाने खबरले मेसीको पिएसजी आगमनपछि भने उनको चर्चा सेलाएको थियो। तर लगातार रियाल मड्रिड जाने खबर सार्वजनिक भइरहँदा एम्बाप्पेले भने आफू पिएसजीमै प्रतिबद्ध रहेको संकेत गरेका छन्। पहिलो दुई खेलमा पनि गोल गरेका एम्बाप्पेले लगातार तेस्रो खेलसम्म पनि गोल यलाई निरन्तरता दिएका हुन्।

‘एम्बाप्पे हाम्रा खेलाडी हुन् र यो फुटबल हो र यहाँ सरुवा बजार बन्द नभएसम्म अनेकौं हल्ला चल्छ,’ पोचेटिनोले भने, ‘क्लब एम्बाप्पेलाई राख्न सकारात्मक छ। म एम्बाप्पे टोलीमा रहिरहँदा निकै खुसी छु। उनी टोलीका उत्कृष्ट र महत्वपूर्ण खेलाडी हुन्। उनका उपस्थिति मेरा लागि सधैं अमूल्य छ।’

प्रतिक्रिया दिनुहोस

सम्बन्धित समाचारहरु
संसारमा दोस्रो सबैभन ...

काठमाडौ । अधिकांश मानिसलाई थाहा छ की संसारको सबैभन्दा लामो पर्खाल चीनमा छ । यसलाई चीनको महान पर्खाल ...

पीएल सिंहले अस्वीकार ...

काठमाडौँ । पूर्वमेयर तथा नेपाली कांग्रेसका नेता पीएल सिंहले संविधान दिवसको अवसरमा सरकारले प्रदान गरे ...

२०४७ को संविधान पुनर ...

काठमाडौं । नेपालमा २०४७ को संविधान पुनर्स्थापनाको माग गर्दै आज दिउँसो १२ बजे माइतीघर मण्डलामा प्रदर् ...

Copyright © 2019 / 2021 - Hamrokalapani.com All rights reserved