कोपा अमेरिका : ब्राजिल र अर्जेन्टिनाको खेल सुरु, उपाधिको खोजीमा नेइमार र मेस्सी

  • असार २७, २०७८
  • हाम्रो कालापानी
alt

काठमाडौं : कोपा अमेरिका अन्तर्गत ४७ औं संस्करणको फाइनल खेल सुरु भएको छ।

केही बेरअघि मात्रै सुरु भएको खेलमा अर्जेन्टिना र ब्राजिलबीच भिडन्त जारी छ।हालसम्म अर्जेन्टिनाले १ गोल हालेको छ ।

खेल ब्राजिलको रियो दि जेनेरियोस्थित मराकाना रंगशालामा भइरहेको छ। पछिल्ला तीन प्रतियोगितामा लगातार कोपा फाइनलdf पुगेको ब्राजिल अघिल्ला दुई संस्करणमा चिलिसँग पराजित हुँदै उपाधिविहीन बनेको थियो।

ब्राजिलसँग पछिल्लो समय खराब इतिहास बनाएको अर्जेन्टिनाले २ पटक भएको फाइनल भिडन्तमा दुवैपटक पराजित भएको छ। २००४ मा पहिलो पटक टाइबेकरमा पराजित भएको अर्जेन्टिना २००७ मा ३-० ले पराजित भएको थियो। ११ वर्षपछि ब्राजिल विरुद्ध अर्जेन्टिनालाई बदलाको अवसर रहने छ।

कोपा अमेरिकामा एकअर्का विरुद्ध प्रतिस्पर्धा गर्न लागेका ब्राजिल र अर्जेन्टिना बिच ३४ औं पटक प्रतिस्पर्धा हुन लागेको छ। ब्राजिलले १० खेलमा जित निकाल्दा अर्जेन्टिनाले १५ खेलमा जित निकालेको छ। बाँकी ८ खेल बराबरी भएका छन्। त्यसो त ब्राजिल घरेलु मैदानमा अहिलेसम्म अपराजित छ। यि दुई बिच आठौं पटक घरेलु मैदानमा प्रतिस्पर्धा हुन लागेको हो। ब्राजिल घरेलु मैदानमा कहिले पनि हारेको छैन्।

विश्व फुटबलमा लगातार मुख्य प्रतियोगितामा दबाबका बाबजुत अर्जेन्टिना अभागी सावित हुँदै आएको छ। अर्जेन्टिना पछिल्ला ६ महत्वपुर्ण फाइनल कोपा अमेरिका २००४, २००७, २०१५, २०१६, कन्फिडिरेसन कप २००५, विश्वकप २०१४ मा पराजित छ। जसमा ब्राजिलसँग २००४, २००७ कोपा तथा कन्फिडिरेसन कप २००५ मा पराजित हुन पुगेको छ।

ब्राजिल कोपा अमेरिकामा ६ खेलमा अर्जेन्टिनासँग हारेको छैन्। ३ खेलमा जित निकाल्दा ३ खेल बराबरी खेलेको छ। उसले पछिल्लो पटक १९९३ मा ३-२ ले अर्जेन्टिनासँग हार ब्यहोरेको थियो। अर्जेन्टिनाले ब्राजिलमा खेलेका पछिल्ला १९ भिडन्तमा केवल १ खेलमा मात्र जित निकालेको छ। जहाँ १४ हार भोग्दा ४ खेल बराबरी गरेको छ। १९९८ मा मारकानामानै भएको मैत्रिपुर्ण खेलमा भने अर्जेन्टिनाले जित निकालेको थियो।

स्टार फुटबलर लियोनेल मेसी र नेमारबिच छैटौं पटक प्रतिस्पर्धा हुन लागेको छ। यसअघि एक अर्का विरुद्ध पाँच पटक प्रतिस्पर्धा गर्दा अर्जेन्टिना ३ पटक विजयी भएको छ भने ब्राजिल २ पटक विजयी भएको थियो।

प्रतिक्रिया दिनुहोस

सम्बन्धित समाचारहरु
प्रतिनिधिसभाको बैठक ...

काठमाडौं । संघीय संसद अन्र्तगत प्रतिनिधिसभाको बैठक आज बस्दै छ। आज बस्ने बैठकमा दुई वटा संभावित कार्य ...

पारस खड्काले अन्तर्र ...

काठमाडौं । नेपाली राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट संन्या ...

निजीकरण गरिएका सातवट ...

इलाम : निजी क्षेत्रले व्यवस्थापन गर्नुको सट्टा झन–झन् बिजोक बनाउन थालेपछि निजीकरण गरिएको ...

Copyright © 2019 / 2021 - Hamrokalapani.com All rights reserved