फोटो खिच्न मनाइने , धान दिवसको कामै छैन

  • असार १६, २०७८
  • हाम्रो कालापानी
alt

  •  जगत प्रकाश जोशी

गरिखाने किसान दाइको,
हातमा सुको दामै छैन ।

फोटो खिच्न मनाइने ,
धान दिवसको कामै छैन ।।
करोडौंको जीरा चामल,
बिदेश बाट भित्रिदैछ ।
स्वदेशको मोटो धान त,
भुसको भाउ फालिदैछ ।।
कार्यकर्ता पाल्ने कृषि
अनुदानको कामै छैन ।
गरिखाने किसान दाइको ,
हातमा सुको दामै छैन ।।

रोपाइँ छ आजभोलि,
खेतमा होइन फेसबुकमा ।
म त देख्छु किसान दाइको ,
जिन्दगानी दुखै दुस्खमा ।।
बर्षौ भयो भत्केकै छ ,
गैरीखेतमा आउने कुलो ।
आकाशे यो खेतीबाट ,
कुन्नि १ कति जल्छ चुलो ।।
कृषि प्रधान देश भन्ने,
भासणको त कामै छैन ।
गरिखाने किसान दाइको,
हातमा सुको दामै छैन ।।

बिना खेतका किसानले त,
सिंहदरबार धाएकै छन् ।
अनुदाने किसानको त,
लुगा पनि सुकिलै छन् ।।
वास्तविक त्यो किसान दाइको ,
छाना अझै चुहिदै छ ।
फाटेको त्यो जामा बाट ,
उदाङ्गै आङ देखिदै छ ।।
नेता खाने जनता हेर्ने,
कुसंस्कार को कामै छैन ।
भोट हाल्ने जनताको ,
हातमा सुको दामै छैन ।।
फोटो खिच्न मनाइने ,
धान दिवसको कामै छैन ।

प्रतिक्रिया दिनुहोस

सम्बन्धित समाचारहरु
प्रतिनिधिसभाको बैठक ...

काठमाडौं । संघीय संसद अन्र्तगत प्रतिनिधिसभाको बैठक आज बस्दै छ। आज बस्ने बैठकमा दुई वटा संभावित कार्य ...

पारस खड्काले अन्तर्र ...

काठमाडौं । नेपाली राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट संन्या ...

निजीकरण गरिएका सातवट ...

इलाम : निजी क्षेत्रले व्यवस्थापन गर्नुको सट्टा झन–झन् बिजोक बनाउन थालेपछि निजीकरण गरिएको ...

Copyright © 2019 / 2021 - Hamrokalapani.com All rights reserved