रौतहटमा शुक्रबार मध्यरातीबाट लागु हुने गरी पूर्ण निषेधाज्ञा

  • बैशाख २३, २०७८
  • hamrokalapani
alt

सन्तोष काफ्ले, रौतहट । रौतहटमा शुक्रबार मध्यरातीबाट लागु हुने गरी पूर्ण निषेधाज्ञा जारी गरिएको छ । जिल्ला प्रशासन कार्यालयमा बिहिबार सम्पन्न बैठकले बैशाख ३१ गते सम्म जिल्लाभर पूर्ण निषेधाज्ञा जारी गर्ने निर्णय गरेको हो ।

गौर स्थित जिल्ला प्रशासन कार्यालयमा डाकिएको सर्वपक्षिय भेलापछि डीसीसीएमसीले जिल्लाभर पूर्ण निषेधाज्ञा जारी गर्ने निर्णय लिएको हो । रौतहटका प्रमुख जिल्ला अधिकारी ईन्द्रदेब यादबले कोरोना संक्रमितको दर बढ्दो क्रममा रहेकाले चेक ब्रेक गर्न पूर्ण निषेधाज्ञा गरिएको जानकारी दिएका छन् । प्रशासनले पूर्ण निषेधाज्ञा जारी गरेसँगै रौतहटमा अत्यावश्यक सेवाका बाहेक अन्य सवारीका साधन संचालनमा रोक लगाउने प्रशासनले निर्णय गरेको छ ।

प्रशासनले अत्यावश्यकको सुचीमा राखेका सवारी साधनमा एम्बुलेन्स, खानेपानी, इन्धन, स्वास्थ्य, खाद्यान्न,तरकारी, फलफुल, दुध तथा दुधजन्य पदार्थ, मासु तथा मासुजन्य वस्तु बोकेका सवारी संचालन गर्न दिने भनेको छ । त्यसैगरी बैंक तथा वित्तिय संस्था, दुरसंचार, विद्युत, इन्टरनेट, क्वारेन्टिन, आइसोलेसन, फोहोरमैला व्यवस्थापन, कुरियर तथा डाकसेवा, लगायतका ढुवानी तथा यातायातका साधन समेत विषय उल्लेख गरी संचालन गर्न पाउने भनिएको छ । पसल तथा हाटबजार तत्काललाई संचालनमा ल्याउन नपाइने रौतहट प्रशासनले जनाएको छ ।

होटल तथा रेष्टुरेन्ट, जीमखाना,पार्लर,शैक्षिक संस्था,ट्युसन सेन्टरहरु पुर्णरुपमा बन्द गराउन निर्देशन दिईएको जारी सूचनामा उल्लेख छ । सरकारी कार्यालयको हकमा अत्यावश्यक सेवा प्रवाह गर्ने बाहेकका कार्यालयले आलोपालो काम सुचारु गर्ने भनिएको छ । प्रशासनले दिएको जानकारी अनुसार विवाहमा बढीमा १४ जना दुई गाडीमा बेहुला,बेहुली सहित ब्यानर राखेर बाहेक हिड्न पाइने छैन् ।

तोकिएको मापदण्डमा रही विवाहमा सरिक हुने सवारीको हकमा पास नचाहिने पनि प्रशासनले स्पष्ट पारेको छ । प्रशासनले संक्रमण दर बढ्दै गएकाले निषेधाज्ञाको आदेश कडाइका साथ पालना गर्ने र गराउने गरी पूर्ण निषेधाज्ञा जारी गरिएको जनाएको छ । रौतहटका प्रजिअ इन्द्रदेब यादबका अनुसार पूर्ण निषेधाज्ञा जारी भएको अवस्थामा अत्यावश्यक सेवा र कामकाज बाहेक हिडडुल समेत गर्न पाइने छैन् ।

यादबका अनुसार अत्यावश्यक कार्यमा पर्ने औषधि, खाद्यवस्तु तथा अत्यावश्यक वस्तु वा सेवा खरिद भने स्वास्थ्य मापदण्डको अधिनमा रही गर्न दिइने छ । प्रजिअ यादबले निषेधाज्ञालाई कडाइ गर्न सुरक्षा निकायलाई निर्देशन दिइएको जानकारी गराएका छन् ।

प्रतिक्रिया दिनुहोस

सम्बन्धित समाचारहरु
मन्त्रिपरिषद विस्तार ...

काठमाडौं । सर्वोच्च अदालतले प्रधानमन्त्री केपी शर्मा ओलीले संसद विघटनपछि गरेको मन्त्रिपरिषद विस्तारल ...

पार्टीको महाधिवेशनमा ...

काठमाडौं । राष्ट्रिय प्रजातन्त्र पार्टी नेपालका अध्यक्ष कमल थापाले स्वास्थ्य मापदण्ड पालना गर्दै पार ...

कांग्रेस सभापति देउव ...

काठमाडौं । नेपाली कांग्रेसका सभापति शेरबहादुर देउवाले सहमहामन्त्री सुनिलबहादुर थापासहित ५५ जनालाई मह ...

Copyright © 2019 / 2021 - Hamrokalapani.com All rights reserved